Jel Rey mipasigarbo sa iyang awit nga “parapelikula”

CEBU, Philippines — Istorya sa gugma nga sama sa pelikula maoy gidalit  sa  StarPop artist nga si JEL REY sa  iyang bag-ong awit nga "Parapelikula."

“Ito yung pakiramdam na parang tumigil yung mundo kapag nakilala mo yung taong mahal mo. Everything fell into place at tila nasa isang pelikula kayo at kayo ang mga bida,” saysay pa ni John Lloyd Reyes nga nailhan usab isip  JEL REY.

Gisulat ug giprodyus niya ang kanta kauban ang StarPop label head nga si Roque “Rox” Santos.

Gisundan sa "Parapelikula" ang uban pa niya nga  love songs nga maka-relate ang kadaghanan nga sama sa "Bumabalik Pa Rin," "Tayo"," "Nasa Alapaap ang Paraluman," ug "Hele Pono."

Gipagawas ni JEL REY ang iyang debut EP nga "TERAPEWTIKA" niadtong 2023 nga nakakuha og kapin sa 150,000 nga streams  sa Spotify. Sa susamang tuig, nominado siya sa 37th Awit Awards sa Best Performance by a New Solo Artist category. Sa iyang mga kaagi sa  pagsulat og awit , si JEL REY nailhan sa pagtagik sa nagkalain-laing genre sama sa rock, hip hop, pop, ug soul. Nag-viral usab siya sa TikTok diin nakig-jam siya sa lainlaing mga tawo ug gipaambit ang iyang proseso sa musika ug pagsulat sa kanta. Pipila sa iyang mga impluwensya sa musika mao sila si Ed Sheeran, Rex Orange County, IV Of Spades, ug Eraserheads.

Ang bag-ong kanta ni JEL REY nga "Parapelikula"  kay madungog sa  nagkalain-laing digital streaming platforms.

Ketchie mag-concert sa Cebu

Pipila na lang ka adlaw  ug mahitabo na ang giatngan nga konsyerto ni Kitchie Nadal karong Pebrero  14, 2025 sa Hoops Dome sa  Lapu-Lapu City.

Ang maong konsyerto kay nag-ulohan og Rockin’ Valentines  ug lakip sa mo-perform niini kay ang pipila ka Cebuano artists nga sama nila ni  Rommel Tuico & The Brews, Emping, Fervent, Ipeng Amores, Indephums, The Agadiers, Bunny Liwanag ug SNMMS Music Fest Champions.

Usa kini ka  benefit concert  nga alang sa  kabataan sa  Stimulation and Therapeutic Activity Center (STAC).

Music scene

Nipirma na og kontrata sa record label nga Star Pop sa ABS-CBN ang Cebuana nga produkto sa Pinoy Big Brother Gen 11 nga si Kai Montinola. Angayan matud pa atngan ang umaabot niya nga music debut nga doul kaayo sa iyang kasingkasing.

Gitraydor sa higala

Usa sa gisapotan  ni Andi Eigenmann  sa higala niya nga babayeng foreigner kay mao kini ang modasig kang  Philmar Alipayo  nga buwagan siya.  Gihulagway  sa kanhi ktres  nga usa ka pagtraydor kaniya ang maong sitwasyon. Kahinumdoman nga gipistahan niadtong Biyernes sa gabii  ang engkuwentro nila ni Andi ug Philmar sa social media.  Sa pagsulat niining balitaa, pabiling tak-om ang babaye nga nalambigit sa maong isyu.

Jak ug Jackie gitupo

Gikahimut-an sa netizens ang dance cover sa  Kapuso actor nga si Jak Roberto ug sa  Kapamilya star nga  si Jackie Gonzaga. Gibahaan kini og mga komento ug kasagaran niini kay nagkanayon nga bagay kaayo  ang duha. Nihirit ang ilang  fans   nga wala ra'y babag kun magkadayon ang duha sanglit puros man kini mga single.  

Negosyo nga punerarya gitingoha ni Elijah

Giangkon sa Kapuso star  nga si Elijah Alejo nga gipangandoy gyud niya nga makatukod og negosyo nga punerarya. Suma pa sa aktres nga nadunggan niya nga kusog kaayo ang maong negosyo.

Apan dili suportado sa iyang inahan ang maong plano.

Sa report  sa PEP, gibutyag ni Elijah nga dili siya mahadlok  sa patay. Sa pagka-karon, busy ang aktres sa duha  niya ka mga proyekto sa GMA-, ang

"Cruz VS Cruz " ug ang youth-oriented show  nga "Maka". Kasamtangan usab siya nga nagtungha sa kolehiyo pinaagi  sa kursong MedTech.

Ang pagbalik ni Winwyn  sa pageant world

Hingpit na nga nibalik sa pageant world ang aktres nga si  Winwyn Marquez ug siya ang magsilbing representante  sa Muntinlupa City sa Miss Universe Philippines 2025.

Suma pa sa aktres nga tulo ka buwan na siya nga nipaubos og training alang sa maong indigay.

“I’m really someone who takes on opportunities, especially when it feels right. And this moment is right for me. Kung na-feel ko na parang panahon para sa ‘kin, gagawin ko,” saysay pa ni Winwyn.

Kahinumdoman nga si  Winwyn  maoy nakadaog kaniadto isip  Reina Hispanoamericana 2017.