Thunder, Wolves magbugno na sa NBA West finals

CEBU, Philippines — Sugdan na sa Oklahoma City Thunder ug Minnesota Timberwolves ang ilang best-of-seven NBA Western Conference finals karong adlawa (Miyerkules, Mayo 21) didto sa Paycom Center sa OKC.

Magbangga ang duha ka higanteng puwersa sa alas 8:30 sa buntag. Ang Thunder maoy nakaangkon sa homecourt advantage sa serye tungod sa pagrehistro nila sa labing nindot nga rekord sa regular season.

Ang Thunder mibira og luna sa West finals human gipabakasyon ang Denver Nuggets samtang ang Wolves miabante human gitagak ang Golden State Warriors. Sa Eastern Conference, mag-abot sa kampiyonato ang Indiana Pacers ug ang New York Knicks.

Mosikad ang serye karong Huybes, Mayo 22, didto sa Madison Square Garden sa New York City.