Haligi sa Cebu Tennis coach Fritz Tabura nagbilin og malungtaron nga legasiya

CEBU, Philippines — Nagbangutan karon ang Cebu sports gumikan sa pagtaliwan sa tinamod nga tennis coach nga si Fritz Tabura ngadto sa laing kalibutan. Nag-edad siya og 75.

Si Tabura usa ka inilang personalidad sa komunidad sa tennis sa miaging upat ka dekada.

Adunay kapasidad sa pagsigpat og talento, si Tabura usa sab ka notadong tournament organizer gikan sa grassroots level ngadto sa mga dagkong kompetisyon sama sa Milo Little Olympics, Cebu City Olympics, Central Visayas Regional Athletic Association (CVIRAA) Meet, Palarong Pambansa, Private Schools Athletic Association (PRISAA) ug dagha pa.

Anaa sa kanunay ang iyang presensiya ning paugnat sa kusog nga duol sa iyang dughan.

Alang ni sportsman John Pages, si Tabura labaw sa pa sa usa ka coach.

Matud pa sa kanhi tsirman sa Cebu City Sports Commission (CCSC) nga si Tabura usa ka institusyon. Siya maoy utok sa malampusong programa sa tennis sa pinangga niyang tunghaan, ang University of the Visayas (UV), sud sa kapin 40 ka tuig. Ubos sa iyang paggiya, ang UV nahimong usa ka dekalibreng puwersa sa tennis sa mga inter-school nga liga, nakahulma og nga kampiyon ug nakasakmit og dili na maihap nga mga nasudnong titulo nga nagpadayon hangtud karon.

"You have guided and supported many tennis players, including myself, and I am truly grateful to call you my mentor. We’ve achieved success because you believed in us and gave us the chance to pursue our dreams. It was because of you that I became stronger. I gave my best, and you helped me realize that I could truly excel in this sport and I hope I’ve made you proud," dason pa ni  NJ Enriquez, usa sa labing hait nga mga produkto ni Tabura gikan sa UV.  "You are a true legend, and your legacy will never be forgotten. Please continue to guide and inspire tennis players but now in the next life."

Usa sa labing dako niyang mga nakab-ot, si Tabura mitabang pag-establisar sa Gullas Tennis Cup, nga nahimong labing prestihiyoso ug labing dugay nga tennis event sa VisMin region sa wala pa kini nahunong pito ka tuig na ang milabay.

"In 1995, the late Jose “Dodong” Gullas invited Fritz and I to start a grassroots event. Thus, the Gullas Tennis Cup was born. Every year since, we gathered the best junior players from the Visayas and Mindanao. By 2018, we reached our 23rd edition. The tournament became Group 1 (highest level) and helped shape hundreds of young athletes. Now, both Sir Dodong Gullas and Coach Fritz are gone - but their legacies live on," paambit pa ni Pages.

Si coach Fritz labing mahinumduman sab sa iyang pagka-amahan nga nagtubag sa mga panginahanglan sa iyang mga atleta sama sa sapatos, racket, ug ang uban nahatagan pa niya og scholarships.

Wala naman tuod si coach Fritz apan magpabilin siya sa kasingkasing sa tanan nga nakaila kaniya tungod sa mga mahinungdanon ug malungtaron nga legasiya nga iyang gibilin.

"He gave so much to tennis. To Cebu. To all of us. Rest well, Coach Fritz. Your service was a masterpiece," panapos pa ni Pages.