Suarez mokumbati na sa labing dako nga away sa iyang karera Hagiton si WBO champion Navarette karong buntag didto sa Amerika     

CEBU, Philippines — Ang way pildeng pambato sa mga Pinoy nga si Charly "King's Warrior" Suarez mosagubang sa labing lisud nga hagit sa iyang karera sa dihang iyang sangkaon si WBO super featherweight champion Emanuel "El Azteca" Navarrete sa Mexico karong adlawa (Domingo, Mayo 11) didto sa Pechanga Arena sa San Diego, California.

“I prayed for this fight. And here it is. The opportunity has come, and I have taken it. And we won’t lose,” deklara pa sa 36-anyos nga si Suarez atol sa final press conference sa giatngan nilang world title fight niadtong Biyernes.

“I’m bringing all my amateur experience into this fight. This is it. The world title shot is here, so I’m ready and I’m excited for the fight on Saturday,” dugang pa sa kanhi Olympian.

Si Suarez nagkupot og perpektong 18-0 rekord uban ang 10KOs. Iyang gipatikangkang ang Amerikanong si Jorge Castaneda sud lamang sa tulo ka hugna sa miagi niyang away niadtong Septiyembre 20, 2024 didto sa Desert Diamond Arena sa Glendale, California.

“This is a good opportunity for me to represent my country and to show the world that Filipinos are good at boxing and that Filipinos and Mexicans put on great fights,” dason pa sa garbo sa San Isidro, Davao del Norte.

Apan dili kini usa ka sayon nga tahas alang ni Suarez.

Iyang banggaon ang bug-at og kumo nga si Navarrete, usa ka three-division world champion nga nagsul-ot sa WBO junior lightweight belt sukad nabira niini ang bakanting korona human gi-TKO si Liam Wilson sa ikasiyam nga hugna niadtong Pebrero 2023.

“I prepared for a great fight. We know that Suarez is coming for my title. So I want a great fight so everyone can see I’m ready to continue on the path of victory,” padayag pa sa 30-anyos nga si Navarette, nga nagtangag og 39-2-1 nga baraha uban ang 32KOs.