Honoridez mipaambit sa dalaygon niyang panaw
Mapasigarbuhon nga nakatandog sa kinabuhi sa uban
CEBU, Philippines — Si Jessica Jawad-Honoridez nagbarog nga mapasigarbuhon uban ang tumang kalipay sa iyang dughan samtang siya gipasidunggan nga "Sportsman of the Year" atol sa 39th Sportswriters Association of Cebu-San Miguel Beer (SAC-SMB) Cebu Sports Awards niadtong Sabado, Abril 26, didto sa Cube Wing sa SM Seaside City.
Siya maoy labing unang babaye nga nakadawat sa usa sa labing taas nga pasidungog sa SAC, timaan sa dili hitupngan niyang dekidasyon ug kakugi sud sa kapin sa tulo ka dekada niyang kasinatian isip atleta, coach, athletic director, event organizer ug sports commissioner.
"In accepting this award, I could only say that my heart is full of gratitude for the victories and the failures, for the growth, the grace, and the people who never gave up on me," matud pa sa athletic director sa University of Cebu (UC) nga nagsilbe sab nga Cebu City Sports Commissioner. "This award is not the end of a journey - it's a reminder that the work continues."
Si Honoridez mipaambit nga sa matag kalamposan nga iyang nakab-ot ug sa matag kinabuhi nga iyang natandog, mobalik ang tanan sa iyang gisaad ngadto sa iyang kaugalingon niadtong 1991 nga magpuyo og kinabuhi nga adunay hinungdan agi'g paghandum sa iyang igsoon nga si Erne Jawad kansang estorya nagbilin og dili mapapas nga marka sa iyang pagkatawo.
"His passing gave my life a new direction, as I endeavored to make my life count in a way that would honor his memory."
Matud pa ni Honoridez nga dili sayon ang dalan nga iyang naagian apan pinaagi sa iyang paningkamot ug determinasyon, nakab-ot niya ang iyang misyon ilabi na ang pagtabang sa uban nga molampos nga nakahatag kaniya og katagbawan.
"The journey was not easy as each role brought its own challenges and triumphs," said Honoridez. "But these roles taught me what it means to rise after defeat, to lead with compassion, and to give back with gratitude."
Subay niini, si Honoridez mitambag sa tanang batan-ong mga atleta, coaches, organizers ug sports professionals nga dili mawad-an og paglaum samtang gigukod ang ilang mga damgo kay ang tanan adunay kapuslanan ug bili sa katapusan.
"Your journey may just be the beginning, but the path is full of promise. Let me tell you this:the journey will not be easy. But it will be worth it. Every challenge will shape you. Every moment of doubt will strengthen your faith. Keep going. Keep believing," dason pa ni Honoridez.
- Latest
