Six Star Medal sa World Marathon Ghassemi nagpanikad nga mokab-ot sa iyang misyon

CEBU, Philippines — Sukad niadtong Septiembre 2023, ang Sugbuanong sportsman nga si Afshin Ghassemi nTungod niini, ang tinamod nga multi-sport athlete nanginanahanglan og usa na lang ka major marathon aron maangkon ang gihandum niyang prestihiyosong Six Star Medal, nga giestablisar sa Abbott World Marathon Majors niadtong 2016 aron pasidunggan ang mga runners nga nakakumpleto sa orihinal nga unom ka Major Marathons.

Ang Sydney nahimong ikapito nga Major niadtong Nobiembre sa miaging tuig apan ang Six Star medal nagpabilin sa orihinal nga unom ka marathons sa piniling mga dapit.

Si Ghassemi nagpanikad nga mokab-ot sa way duda nga labing dako nga kalamposan sa iyang karera sa Boston Marathon nga gikatakda karong Abril 21 (Martes, Abril 22 oras dinhi sa Pilipinas).

"I could not imagine a more perfect ending to my Six Star journey. It will happen in the city of Boston. The city that gave me the courage to dream even bigger," dason pa ni Ghassemi.

Apan labaw sa personal nga dungog, ang pagsakbang ni Ghassemi ning makutas nga tahas didto sa paborito niyang siyudad sa Amerika alang sa usa ka mahinungdanong kawsa.

"I'm running for the causes of Massachusetts General Hospital (MGH) in pediatric cancer and emergency response," paambit pa sa presidente sa Sacred Heart School-Ateneo de Cebu Alumni Association.

"Join me in the fight against pediatric cancer. Every step you take helps fund life-saving treatments and groundbreaking research at Mass General for Children (MGfC), bringing hope to families and brighter tomorrows for children battling cancer," dugang pa niya.

Luyo sa mahinungdanon niyang misyon, buot sa 41-anyos nga si Ghassemi nga pamatud-an nga ang paglahutay sa usa ka marathon dili lamang sa kaugalingong kadaogan apan hasta na sab sa paghatag og inspirasyon ug pagtandog sa kinabuhi sa uban ilabi na niadtong labing nanginahanglan.