LaVine nalandig sa Kings, Fox padung Spurs

CEBU, Philippines — Gipinalisar karon sa Sacramento Kings ang kasabotan nga maghatud ni All-Star guard De'Aaron Fox ngadto sa San Antonio Spurs isip kabahin sa laing multi-team trade nga miulbo sa NBA.

Samtang si Fox makig-alyansa ni Victor Wembanyama didto sa San Antonio, si Chicago Bulls guard Zach LaVine malandig sa poder sa Kings.

Niadto pang maging semana buot i-trade sa Kings si Fox human kini mipadayag nga dili na siya gusto magpabilin sa Sacramento.

Si Fox anaa sa ikawalo niyang tuig uban sa Kings. Ning  season, mi-average siya og 25 puntos matag duwa.

Gawas ni LaVine gikan sa Bulls, makuha sab sa Kings si Sidy Cissoko gikan sa Spurs.

Samtang sila si Kevin Huerter, Zach Collins ug Tre Jones adto mapunta sa Bulls ug si Jordan McLaughlin sa Spurs.

Si LaVine, duha ka higayon nahimong All-Star, mi-average og 24.0 puntos matag duwa ning labing nindot nga season sa iyang karera.

Ang 20-anyos nga si Cissoko maoy No.44 pick sa Spurs niadtong 2023 NBA Draft ug nakapakita'g aksiyon sud sa 29 pa lamang ka duwa.