CEBU, Philippines — Ang Sugbuanang chess patron nga si Atty. Jeah Jean Gacang mibulsa og laing mahihungdanong pasidungog.
Si Gacang usa sa tinamod nga mga personalidad nga gitunolan og Exemplar Award atol sa Women in Professional Sports Awards (WPSA) nga gipasiugdahan sa Games and Amusements Board (GAB)didto sa Grand Ballroom sa Okada Manila sa Para aque City niadtong Biyernes, Septiembre 27.
Si Gacang, nga usa sa mga nagtukod sa Toledo City Trojans Chess Team taliwala sa pandemiya upat ka tuig na ang milabay, gipasidunggan isip labing unang babaye nga team manager, coach ug player sa Professional Chess Association of the Philippines (PCAP).
"Juggling her professional life as a lawyer and a pro chess player, Atty. Gacang has proven that not a single thing can serve as a hindrance from achieving one's dreams as a professional sports athlete," sigun sa mga nag-organisa sa WPSA.
Si Gacang gibati og tumang garbo ug kalipay sa dungog nga gihatag kaniya sa GAB, nga naabot upat ka bulan sukad siya mikatkat sa bantawan aron dawaton ang ORLACSAN Award atol sa 38th Sportswriters Association of Cebu-San Miguel Beer (SAC-SMB) Cebu Sports Awards niadtong Mayo.
"Kindness, resilience, and dreams transcend gender. To all the women aspiring to make their mark in sports, remember that the journey is not only about winning - it's about becoming the best version of yourself," matud pa ni Gacang.
"Challenges will come, but like in any sport, we aim to rise above them, continually striving to grow. Empowering others, especially women to do more has no limits. While victory is important, the true reward lies in how much we evolve, how deeply we inspire, and how far we uplift others along the way," panapos pa ni Gacang.