Villegas mapasigarbuhon nga nakatampo og bronze
Patas-an pa ang ambisyon sa sunod nga Olympics
CEBU, Philippines — Napakyas man tuod ang Pinay'ng boksidor nga si Aira Villegas pag-abante sa finals apan mapasigarbuhon gihapon siya nga nakatunol og bronze medal sa Pilipinas sa Paris Olympics 2024 didto sa France.
Si Villegas gipilde sa sa Turkish niyang karibal nga si Buse Naz Cakiroglu sa ilang semifinal match sa women's boxing 50kg category kagahapon sa kaadlawon.
Tungod niini, bronze lamang ang iyang nabira.
Usa hinoon gihapon kini ka impresibong debut sa prestihiyosong torneyo nga nahitabo kausa lamang sud sa upat ka tuig alang sa 29-anyos nga si Villegas.
Matud pa ni Villegas nga ang nabitbit niyang medalya himoon niyang motibasyon pagkab-ot sa mas dako pa niyang ambisyon sa umaabot.
“Nakapag-uwi po ako ng medalya po, sana po proud pa rin po kayo sa akin. And ano po, sa younger self po, I know na you are already proud of me,” matud pa ni Villegas sa dihang nahinabi sa One Sports.
“And to my future self, mas lalo ka pang magiging proud. Gagawin ko lahat yung pangarap ko na bago man lang mag-retire sa boxing is patugtugan ako ng national anthem ng bansa natin sa mismong Olympics,” dugang pa sa garbo sa Tacloban City.
Nagkanayon si Villegas nga wala siya madismaya sa resulta gumikay kay iya mang gihatag tanan kutob sa iyang mahimo alang sa nasud.
“Hindi naman po ako super disappointed kasi ginawa ko yung best ko. Talagang napag-aralan po and aminado pong magaling po talaga siya. Pero siyempre for me nagawa ko lahat ng best ko,” buhagay pa ni Villegas.
“Alam ko na pinag-aralan niya ako e, kasi sa lahat ng ano, parang sa akin sila nagulat na umabot ako sa semis… Halos parehas din po kami ng laro, pero yun nga po, magaling din po talaga, magaling kumuha ng distansya and everything po.”
Ang bronze ni Villegas maoy ikaupat nga medalya sa Pilipinas sa Paris Olympics.
Ang kababayan niyang si Nesthy Petecio mosuway pagseguro sa iyang kaugalingon og silver medal sa dihang mokumbati kini sa women’s 57kg semifinal Huybes sa kaadlawon.
- Latest
