Cavs nanuktok sa playoffs

CEBU, Philippines —  Si Isaac Okoro milansang sa iyang 3-pointer sa nahibilin nga punto siyete segundo sa duwa aron aswaton ang Cleveland Cavaliers ngadto sa kulbahinam nga daog batok sa Brooklyn Nets, 116-114, sa NBA kagahapon didto sa Barclays Center sa Brooklyn, New York.

Tam-is kaayo ang maong kadaogan sa Cavs gumikan kay na-alkansi man sila og otso puntos  sa pinal nga dos minutos sa aksiyon.

Gawas ni Okoro, mihimo sab og kasikas sila si Evan Mobley ug Donovan Mitchell nga nagkumbinar og 13 puntos sa katapusang kuwarter nga dako og natabang sa impresibong pagpbalitok sa Cavs.
Si Mitchell mitapos uban ang 31 puntos samtang si Mobley mitimbre og 26 puntos, 16 ka reboundsug tulo ka assists alang sa Cavs, nga ikaupat karon sa Eastern Conference ug nanoktok sa NBA playoffs uban ang 47-28 rekord.

Si Mikal Bridges mibubo og 32 puntos samtang si Spencer Dinwiddie midugang og 25 puntos, 12 ka assists ug upat ka rebounds alang sa Nets nga natagak sa 39-34 ug lagmit malabay ngadto sa play-in tournament.

Sa laing duwa, si Paolo Banchero mipupo og 21 puntos aron pangulohan ang Orlando MagicMngadto sa 111-106 nga pagpakaging sa New York Knicks.

Ang Magic ika-13 karon sa East bitbit ang 31-43 nga baraha apan duna pay tsansa nga makatikang sa postseason.