CEBU, Philippines - Misaler na sab ang kumbinasyon nilang Ramil Aniñon ug Kenneth Maningo kinsa parehong mikulit og double figures aron pangulohan ang Enforcement Security Service (ESS) ngadto sa 87-78 nga kadaugan batok sa Rongcales Brokers kaniadtong Huwebes sa gabii atol sa nagpadayong 2nd BOC-CIPU Cup basketball tournament didto sa barangay Tinago gym, ning dakbayan.
Mihakot og 33 puntos si Aniñon kinsang kusgan nga bukton maoy midominar sa mas gagmay niyang karibal samtang maayong pagkatimon ni Maningo ang backcourt kay gawas nga mihimo siya'g 15 puntos, iya sab gitabangan nga maka-itsa ang iyang mga kauban pinaagi sa iyang mga assists.
Sa laing duwa, wala sab kapugngi sa ilawom si Julius Tarona kinsa miposa og 25 puntos ug midugang si Takloy Moral og 19 puntos aron pangulohan ang Petracorta-Rollway Brokers kinsa nakaikyas batok sa Ecu Line sa iskor, 91-88.
Pareho na karong adunay 3-0 nga baraha ang ESS ug Petracorta-Rollway ug nakigtabla sa liderato uban sa MJDL Brokers.
Wala pay daog ang Rongcales sa tulo ka duwa.
Ang Ecu Line sa laing bahin adunay 1-2 nga baraha.
Puntos matag usa:
First Game:
ESS (87)--- Aniñon 33, Maningo 15, Mose 10, Monteño 6, Gabica 5, Cañete 4, Gacilos 4, Dela Cruz 3, Mabaolo 3, Abayon 2, Yu 2.
Rongcales Brokers (78)--- Montejo 21, Dellosa 11, Balorio 10, Pianar 8, Davila 6, Osabel 6, Berame 6, Rongcales 4, Mabangue 3, Sepucado 2, Ygot 2.
Second Game:
Petracorta-Rollway (91)--- Tarona 25, Moral 19, Palero 11, Olloves 7, Villaronza 7, Urbina 6, Solidarios 6, Manlosa 4, M. Petracorta 2, N. Petracorta 2, Palad 2.
Ecu Line (88)--- Singson 19, Into 17, Maunes 14, Castillo 10, Mondin 10, Alaan 8, Olmedo 5, Cabillada 2, Tandas 2, Amoin 1. (BANAT PALARO)