CEBU, Philippines - Gumikan sa hangyo sa kadaghanan, ang Sunsport Basketball milugway sa ilang training camp ngadto sa lima ka semana sugod
karong Enero 11 diha gihapon sa Sacred Heart Center Sports Club sa dalan D. Jakosalem, ning siyudad.
Pagahimuon ang clinic sa matag adlaw'ng Sabado gikan sa alas-12 sa udto hangtod sa alas-2 sa hapon.
"The parents are very satisfied with the results they've seen from their kids who joined our camp. They noticed a great
improvement in the playing skills of their kids that is why they requested me to extend our training," matud pa ni camp director Jojo
Romarate.
Gipasalig ni Romarate nga mga partisipante makat-on sa fundamental ug technical aspect sa maong matang sa paugnat sa kusog
atol sa training.
"We will impart to our students the fundamentals of the sport such as proper shooting, dribbling, passing, footwork and other
related drills," dugang pa ni Romarate.
Gawas sa basics sa basketbol, ila sab itudlo ang ubang offensive ug defensive strategies, on-court communication ug uban
pang teknikal nga aspeto sa duwa.
Ang registration fee nagkantidad lang og P1,000 libre na ang training jersey ug Sunsport basketball.
Alang sa dugang mga pakisayod kabahin sa training, mahimong mokontak ni Romarate sa 0921-2338305 o 0932-8475634 o di ba
sa Sunsport office sa 345-1015/0917-3205769/0922-8377712. (BANAT NEWS)