Ang tingog sa kamingawan

Basaha: Lk. 1;57-66,80

Usa sa mga talan-awon matag Hunyo 24 mao ang mga tawo nga maligo sa dagat kay lagi San Juan. Ang uban gani mangsablig pa og tubig ni bisan kinsa.

Maayo unta kun limpyo, ang nakapait kay hugaw. Usa ka sayop nga balansayon sa pangolin ni San Juan ang Precursor sa atong Ginoo.

Apan kun atong paladman si Juan Magbubunyag mao kadtong tingog sa kamingawan nga nahatag og kahasol kanila nga nagpuyo sa kangitngit ug paglaum kanila nga nangita og kahingpitan.

Matag saulog nato sa iyang pangilin kita gipahinumdoman ning mosunod:

1.  Ang pagpalayo sa kadaghanan makatabang aron makita ug masabtan nato ang atong kaugalingon.

2.  Ang tubig pahinumdom sa paglimpiyo dili lang sa atong lawas kondili usab sa atong kalag pinaagi sa bunyag.

3.  Ang tawag sa pagbag-o dili lang tawag sa pipila kondili sa kadaghanan kanato karon.

4.  Aron makab-ot ang kahingpitan, maantigo kitang magsakripisyo lakip na niini ang pagpuasa.

Ang pagpuasa mao man ang pagpitol sa atong walay hinungdang kailibgon nga nahimong babag sa kinabuhing balaan.

Ang mensahe ni Juan padayon natong dad-on ug unta mapuy-an hangtud karong mga panahona. Ang pagbag-o atong pagasugdan dili ugma kondili karong adlawa.