Mao lang gihapon ang problema

Giingon nga smooth ang opening sa klase sa mga tunghaang publiko. Very good. Apan, ang problema sa kakulang sa mga classrooms ug sa mga magtutudlo mao lang gihapon. Usa kini ka perennial problem. It seems walay kasulbaran.

Hain na man ang ilang giingon nga ang edukasyon gihatagan og dakung pahat sa national budget? Maglakaw ang tuig, magkadaghan ang mga estudyante, magkadaku ang problema.

“This problem isn’t new,” nagkanayon ang editorial sa The Freeman. Tinuod, gawas sa kakulang sa mg magtutudlo, kulang usab ang mga lawak-tunghaan.

Of course, maka-apektar kini sa learning, o sa pagkat-on sa mga bata, tungod kay, among others,    maguba ang mga schedule sa klase, diin matud sa TF editorial, “different classes have to share the same classroom, and having some teachers handle subjects they are practically not familiar with.”

Dugang niini, nakadugang sa suliran pagnihit sa mga magtutudlo nationwide, locally, dinhi lang sa ato, sa Central Visayas, daghang magtutodlo ang milangyaw ngadto gawas sa nasud, for greener pasture.  

Dili nato sila mabasul ug mapasanginlan nga mibudhi sa yuta nilang natawhan tungod kay gawas sa taas nga sweldo, ma-relieve sila sa kalisud sa ilang kahimtang ug sa mga gimbuhaton dinhi.  

Take the case of Aurora (dili tinuod niyang ngalan), nagtudlo sa public school dinhi, sulod og kapin sa siyam ka tuig, usa siya sa 400 ka magtutudlo nga recently, nibiya sa Central Visayas. Iyang sweldo P30,000, sa atong standard, daku paminawon, apan dili paigo sa tanan niyang galastuan dinhi.

Apan, sa America, and dream land ni Aurora, ang nasud sa milk ug honey, ang maong P30,000, hasta napulo pil-a, or ten times more sa maong kantidad. Sa ato pa, 30,000 times 10. Mao ni ang iyang sweldo didto.

Asa man ka mangahoy sa maong sweldo dinhi sa ato? Ug ang iyang trabaho, teaching ra gyud, walay daghang paperworks, ug dili ka ipa-member sa electoral board during elections. 

Ang Cebu gud, paborito ug attractive kaayo for overseas teacher recruitment. “Cebu is a very potent area… not only that our teachers here are intelligent, but also they have character and attitude,” nagkanayon si Dr. Salustiano Jimenez, DepEd-7 regional director. 

“There they are also spared from the constant changing curriculum, which seems inherent with every change of administration or the whims of lawmakers who think they know better despite never having taught before a class ever, dugang sa TF editorial.

Hinaut nga dili muabot ang panahon nga ang atong mga magtutudlo mahurot pag-abroad, kay matud pa, grabe kaayo ang global demand sa mga Filipino teachers.    

Matud sa Philippine Overseas Employment Administration (POEA), the country sends an average of 1,500 teachers abroad annually.

Kadaghan ini. Sa 2017 lang, 1,328 ka magtutodlo ang mibiya sa atong nasud. Karon, pila na kaha?

Filipino teachers are among the most sought-after. Sa usa ka 2020 report, 9 percent sa kapin 2.2 million ka overseas Filipinos, mga magtutodlo.