Panugon-bilin ngadto sa mga nahabilin

Sa miaging Hunyo 14, 2025, diin mipahigayon ang mga Overseas Filipino Worker (OFW) og Kalayaan Day sa Netherlands, inay bibo ang maong panagtapok nahimo hinuong masulob-on dihang sa pagpamulong itaas sa entablado ni Honeylet Avanceña, misis ni kanhi Presidente Rodrigro Roa Duterte (PRRD), iyang gipaambit ang tinuorayng kahimtang niini sulod sa International Criminal Court detention facility. Matud pa ni Honeylet, nagakaluya si PRRD, daghan na kuno kaayog gipangutana nga bug-at sa dughan paminawon, ilabi na kay ang panuni sa sinultian, daw nanugon na unsay gustong ipabuhat niini ngadto sa iyang pamilya, labaw na sa iyang kinamanghorang anak, Kitty Duterte. Wala idetalye-ihurot ang kinatibuk-ang gipanag-istoryahan nila ni PRRD. Gani, dili angay pahibaw-on si Kitty kay makaguol.  Hinungdan, gihakgom na lang ni Honeylet ang tanan, sanglit wala man siyay laing masumbongan.

Basta, kada higayon human sa ilang panagkita ni PRRD sa sulod sa detention facility, inig gawas niya, blanko iyang hunahuna ug gipasagdan na lamang niya iyang mga tiil asa kini mopaingon ug mohunong.

Usab, gihisgotan ni Honeylet unsa ka dalaygon ang gibuhat ni Duterte sa hangyo sa mga Marcos, kinsa gusto ipalubong si kanhi Pres. Ferdinand E. Marcos didto sa Libingan Ng Mga Bayani (LMNB). Diin, midaog man tuod si PRRD batok sa mga misupak, pero pinasubay sa legal nga paagi gamit ang balaod nga: ‘kon sundalo mamatay, malubong gayod sa LNMB.’cApan ang pagpa-detained sa administrasiyong Marcos ni PRRD ngadto sa ICC usa ka dako kaayong illegal, usa ka pag-surrender sa atong sobereniya ngadto sa mga banyaga. cNga dili gyod unta angay! Hinungdan, nga wala kapugngi ni Honeylet ang pag-agas sa iyang mga luha.

Ang pag-estar ni PRRD sa ICC detention facility, dili himsog sa iyang panglawas nga masakiton na kaayo. Ang inadlaw-naandan niyang pagkaon sa Davao City, dili na niya matilawan. cAng personal nurse nga tigpreparar-painom niyag medisina wala na. Ang klima sa Pilipinas ug Netherlands lahi. Ang iyang mga minahal sa kinabuhi dili na niya mahikap-magakos-mahagkan oras nga gusto siya. Busa, kinsa ba ang dili mosamot kaluya? Nga makapamubo sa masumpayan pa unta niyang kinabuhi?

Unta, makauli na si PRRD sa Pilipinas sa dili pa moabot ang maong gikahadlokang yugto!