Manubag ang ginikanan kun makahimo og kadaut ang minor de edad nga anak

Dear Atty. Divine,

Ang anak sa akong silingan nga 9-anyos  nagduwa sa gawas sa among balay, kuyog ang laing mga bata. Naglabay-labay sila og bato ug karon  kay paglabay og bato sa bata didto man mitugpa sa bintana sa sakyanan nga gi park. Tungod niini,  nabuak ang bildo sa bintana sa sakyanan. Ang akong pangutana kun maka-demand ba og bayad gikan sa mga ginikanan sa bata ang tag-iya sa sakyanan? Daghang salamat. —Liza

Dear Liza,

Basi sa atong balaod (Art. 2176 og Art. 2180) sa New Civil Code  kini nagkanayon nga kun ang tawo makahimo og kadaut sa iyang isi’g-katawo o sa bisan unsang butang obligado kini sa pagbayad tungod sa iyang pagpabaya.  Apan kun bata ang  makahimo og kadaut, ang  amahan o inahan sa bata maoy obligado  nga mobayad sa kadaut nga nahimo sa iyang anak nga minor de edad. Kini tungod kay ang bata ubos pa man sa ilang custody, supervision og control. Busa adunay katungod ang tag-iya sa sakyanan nga mo-demand nga pabayran ang kadaut nga nahimo sa bata. Thank you and God bless.  Atty. Divine

* * *

Alang sa inyong pangutana, palihug lang sa pag-email sa flores [email protected] ug akong tubagon ang inyong pangutana pinaagi sa akong column matag Miyerkules,Sabado ug Domingo.