Dili na magamit ang  Special Power of Attorney o SPA kon patay na nagpirma niini

Dear Atty. Divine,

Ang akong igsuon adunay gipanag-iya nga yuta sa probinsya. Ulitawo siya ug wa say anak. Sa dihang nasakit siya, nag execute ang akong igsuon og Special Power of Attorney kon SPA nga naghatag kanako ug katungod sa pagbaligya sa iyang yuta. Apan namatay nalang ang akong igsuon, wa pa gyud mahalin ang iyang yuta. Ang akong pangutana kun magamit pa ba nako ang maong SPA kun aduna nay mopalit sa iyang yuta? Daghang salamat. — Lina

Dear Lina,

Ang general rule kun namatay na ang nag execute sa SPA mi-extinguish na usab or wa nay bili ang iyang gipirmahan nga SPA busa di na kini mamahimong gamiton. Apan kun aduna  nay buyer ang yuta sa imong igsuon nga namatay, mamahimo gihapon kining ibaligya apan ang mga heirs na ang mopirna sa Extrajudicial Partition with Deed of Absolute Sale. Kun buhi pa ang inyong mga ginikanan sila ang mopirma sa pagbaligya kay sila man ang heirs. Apan kun patay na ang inyong mga ginikanan, kamong mga igsuon sa namatay ang mopirma sa dokumento sa pagbaligya ug inyong bahinon in equal share ang halin niini  human ninyo mabayran ang  mga utang kun duna man sa inyong igsuon nga namatay. Thank you and God bless. — Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.