Gusto nang kuhaon ang deposit sa rent

Dear Atty. Divine,

Aduna koy giabangan nga pwesto sa merkado alang sa akong negosyo nga sari-sari store. Lima ka tuig nako nga nag-abang niini.

Apan tungod kay nasakit ko, nakadesisyon ko nga mopahuway una sa pagpaninda aron hingpit ko nga maka recover.  Ako nang gipahibawo ang tag-iya sa pwesto nga akong giabangan nga kutob ra ko this month. Ang akong pangutana kun kanus-a man nako makuha ang akong 2 months deposit? Daghang salamat.

Remy

* *  *

Dear Remy,

Kanang 2 months nimo nga deposit mamahimo kana nimong makuha pagbalik ini'g tapos sa imong kontrata apan dili sab diha-diha tungod kay mao man sab kini kuhaan kun ugaling aduna kay mga unpaid bills sa kuryente o tubig or kun dunay mga damages sa lugar nga imong giabangan.

Ang sobra niini mao unyay ibalik  kanimo. Ang maayo nimong buhaton, imong bayran daan ang mga unpaid bills sa tubig ug kuryente ug dayon imo sab tarungon ang imong pwesto kun ugaling adunay na damage imong ipatarong daan una ka mo demand sa imong deposit. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.