Gustong mangayo og suporta sa mga bata

Dear Atty. Divine,

Aduna koy kapuyo sud na sa napulo ka tuig. Aduna mi tulo ka mga anak. Karong bag-o nag-away mi og miresulta gyud kini sa among panagbuwag. Ang mga bata anaa kanako. Ang saad sa amahan nga iyang suportahan ang among mga anak. Ang akong pangutana kun pila man ang akong pangayuon nga monthly support sa mga bata? Daghang salamat. —Lina

Dear Lina,

Basi sa balaod, obligado ang amahan sa imong mga anak nga mosuporta kanila. Apan walay gitakda nga kantidad kon pila ang angayang isuporta sa bata matag buwan. Kini tungod kay magdepende ang amount sa panginahanglan sa mga anak og sa kapasidad usab sa amahan. Ang maayo nimong buhaton karon mao ang pag compute kun pila ang expenses sa imong mga anak matag buwan. Ug mao kini ang imong basihan kun pila ang imong panguyuong sustento matag buwan sa imong mga anak gikan sa ilang amahan. Thank you and God Bless!   — Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.