Ang Kalinaw Ibilin ko Kaninyo
Mayo 25, 2025: Ikaunom
Domingo sa Pasko sa Pagkabanhaw
Mga Pagbasa: Buh. 15;1-2, 22-29/
Sal. 67/Gip. 21;10-14,22-23/Jn. 14;23-29
Maayong Balita
Ang atong Ginoo nipahinumdom sa iyang mga tinun-an lakip na kita nga mahinungdanon gyud diay ang paghigugma kaniya ingon nga atong magtututudlo. Kun atong hinumdoman ang maong gugma magpakita ngadto sa uban nga kita diay mga anak sa Amahan. Nunot usab niini ang saad sa kalinaw nga iyang ihatag ug ibilin kanato. Matang sa kalinaw nga dili mahimong ikahatag sa kalibutan. Sa laing bahin, gipasaligan sa atong Ginoo ang iyang mga tinun-an nga dili angayang mabalaka sanglit ipadala man niya ang Espiritu Santo nga maoy mogiya kanila nga nagpanaw diha sa kinabuhi sa pgtuo.
Kasinatian
Gubot ang kalibotan. Gubat bisan asa ug dinaotay ni bisan kinsa. Daghang mga panghitabo ingon man kapintas nga nikuyanap sa atong katilingban. Basin kaha tungod kay nagdumili kita pagdawat sa Dios sa atong kinabuhi? Kining maong kagubot karon salamin lamang sa kagubot ug kagahob sulod sa tagsa tagsa nato ka mga kaugalingong kasingkasing ug hunahuna. Mahilom lamang ang tanan ug malinawon kun atong tugotan ang mensahe ni Kristo Jesus nga maoy mohari sulod sa atong kinabuhi.
Lihok
Karong semanaha paglikay sa bisan unsang kasungian. Pangutan-a ang imong kaugalingon kun nahimo ka bang instrumento sa kalinaw o dili ba kaha sa kagubot?
Pangamuyo
Prayer of St. Francis
Tanan:
Lord, make me an instrument of your peace:
where there is hatred, let me sow love;
where there is injury, pardon;
where there is doubt, faith;
where there is despair, hope;
where there is darkness, light;
where there is sadness, joy.
O divine Master, grant that I may not so much seek to be consoled as to console, to be understood as to understand, to be loved as to love.
For it is in giving that we receive, it is in pardoning that we are pardoned, and it is in dying that we are born to eternal life.
Amen.
- Latest
