Nganong di mahimong usbon ang gender sa iyang birth certificate sa nagpa "sex change"?

Dear Atty. Divine,

Ang akong friend nga gay, nagpa sex change abroad ug karon nagplano siya nga ipausab ang iyang gender sa birth certificate from male to female. Apan gisultian siya sa iyang igsuon nga dili mahimong usbon ang iyang gender sa birth certificate bisan pa kun nagpa sex change siya. Ang akong pangutana kun  mamahimo bang usbon ang iyang gender sa birth certificate on the basis sa iyang sex change operation? Daghang salamat. — Lucille

Dear Lucielle,

Dili, kini tungod kay ang atong balaod sa Pilipinas wa mo-recognize sa sex change isip ground sa pag-usab sa gender sa birth certificate sa usa ka tawo. Basi sa Implementing Rules and Regulations kon IRR sa Republic Act 10172 kon an Act Further Authorizing the City or Municipal Civil Registrar or the Consul General to Correct Clerical or Typographical Errors In the Day and Month in the Date of Birth Or Sex of a Person Appearing in The Civil Register Without Need of a Judicial Order, Amending RA 9048, ang “sex” gi defined isip biological and physiological characteristics sa usa ka babaye o lalaki. Buot ipasabot nga kon unsay gender sa bata sa pagkatawo niini, mao gyud kini ang mo prevail nga gender niya. Ang Supreme Court mismo aduna nay desisyon niini nga nagkanayon nga ang sex re-assignment surgery dili mamahimong kabasihan sa pag change legally sa gender sa usa ka tawo, kay matud pa sa Korte Suprema sa kaso ni Rommel Jacinto Dantes Silverio vs. Republic of the Philippines (GR 174689, Oct. 22, 2007) nga ang basihan sa pagsuta sa sex o gender sa tawo mao gyud ang gender niini sa dihang siya nahimugso. Thank you and God Bless. — Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.