Maternity benefit
Dear Atty. Divine,
Buntis ko karon sa akong ikalima nga anak. Apan nabalaka ko kun maka avail pa ba gihapon ko sa Maternity benefit sa SSS nga ikalima na kini nako nga anak? Daghang salamat.
Laura
* * *
Dear Laura,
Basi sa Section 3, sa Republic Act 11210 kon “105-Day Expanded Maternity Leave Law” nga gipatuman niadtong Marso 11, 2019, kini nagkanayon nga covered ang tanang trabahanteng babaye niini sa government og sa private sector lakip na kadtong anaa sa informal economy basta member lang sa SSS, regardless sa ilang civil status, or the legitimacy of the child, makapahimus gyud sa 105 ka adlaw nga maternity leave with full pay.
Nalatid sab sa maong balaod nga ang Maternity Leave mapahimuslan sa mga babayeng empleyado kun sila mabuntis ug manganak or ma – miscarriage. Wa maghisgot ang balaod og limit sa number of pregnancies or deliveries, busa bisan kun ikalima pa na nimo nga anak, maka avail gihapon ka sa Maternity benefit sa SSS.
Ang importante nga nga aduna kay at least 3 months nga contribution sa imong 12-month period immediately preceding the semester of childbirth, or miscarriage, ug kinahanglan sab nga napahibawo nimo o sa imong employer ang SSS labot sa imong pagbuntis ug kun kanus-a ka posibleng manganak. Thank you and God Bless.
Atty. Divine
* * *
Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
