Kinsay mobayad kon namatay na ang nangutang

Dear Atty. Divine,

Ang akong igsuon nangutanang nako og P300,000.00 kay iyang gipuhunan og negosyo.

Ang iyang saad nga iya kong bayran matag buwan kun mokita na ang iyang business.

Last year, nagsugod na siya og bayad apan naputol kini human siya nasakit.

Ang kita sa iyang business karon, kuwang pa gani ibayad sa iyang hospital og ipalit sa iyang mga tambal. Ang akong pangutana, kun pananglit adunay mahitabo sa akong igsuon, mapaningil pa ba nako ang iyang utang ug kinsa may motiwas sa pagbayad niini? Daghang salamat.

Norma

* * *

Dear Norma,

Kun pananglit adunay mahitabo sa imong igsuon, mapaningil pa gihapon nimo ang iyang utang ug ang mobayad niini mao ang iyang estate o mga properties nga iyang gipanag-iya o kabilin. Basi sa balaod, sa dili pa bahinon sa mga heirs ang kabilin kinahanglan nga bayran una ang tanang mga utang sa namatay.

Mas maayo nga naa kay kuptan nga dokumento nga mopamatuod nga utangan siya nimo aron mao kini imong basihan sa pagpaningil unya ngadto sa iyang estate. Thank you ang God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.