Sinyales sa kahuyang

Sa dakong kasayon, nakuha sa International Criminal Court kon ICC si kanhi Presidente Rodrigo Roa Duterte ug gidala sa The Hague Netherlands aron papatubagon sa kasong crimes against humanity subay sa kampanya batok sa illegal nga drugas atol sa iyang administrasyon. Pagkasali ba nga daw damgo ang tanan nga nakapakurat sa katawhang Pilipinhon nganong walay nahimo ang Philippine government pagpanalipod sa katungod sa kaugalingnan nato isip usa ka nasud ug labaw na nga wala na kita mahisakop sa hapol sa ICC.

Bisan unta og kontra partido o bisan og giisip sa administrasyon nga kontra na ang mga Duterte mihimo unta sila og effort nga protehian kini isip usa ka Filipino, apan wala kini buhata sa atong gobiyerno.  Kuhaan lang nako og sanglitanan ang kaso sa mga yanong Filipino sa gawas sa nasud nga kong makahimo og sala bisan og linoog pa nga krimen, himoon man gani sa kagamhanan ang tanan aron kini maluwas sa silot kamatayon, padad-an og abogado, palihokon ang tanang koneksyon sa abroad ug mismo ang presidente sa nasod ang moapelar sa mga head of state aron masalbar lang ang usa ka Filipino. Nganong sa kaso ni Duterte nga usa ka kanhi pangulo sa nasud nganong wala man nila panalipdi? Nganong sila man ang nangunay sa pag eskort ug pagtugyan ngadto sa ICC ug ang sakyanan pa sa gobiyerno sa Pilipinas ang gipasakyan niini padung sa bilanggoan ngadto sa foreign land? Nagpakita ba kini kon unsa ka huyang ang Pilipinas nga mosurrender dayon sa usa lang ka request sa usa ka foreign entity? Dili ba kini makamugna og empression sa ubang nasod nga mubo kaayo ang pagtan-aw sa Pilipinas?

Kong nakasala man ang kanhi pangulo, mas maayo nga dinhi sa Pilipinas siya gitaral sa kaugalingon nato nga hukmanan kay functional pa man ang atong judicial system, buhi pa man ang Supreme Court. Pagkadako og sagpa sa Labaw nga Hukmanan ang pagbalewala kanila mismo sa atong guberno. Naa may katakos ang Pilipinas sa pagpalihok sa hustisya, kong naay sala si Digong mas tam-is seguro tagamtamon nga siya mapriso sa prisohan kauban ang mga kadugo natong Pilipino nga naa sa bilibid. Kong didto sa Netherlands hayahay man ang iyang kahimtang nga daw dili priso ang iyang kahimtang. Daghan pa mga panghitabo nga atong atangan subay sa pagtratar sa kagamhanan sa usa ka Filipino nga gisurrender nato sa usa ka langyawng institusyon. Usa kini ka senyalis sa kahuyang.