Makagamit ba ang mga layko sa exorcized oil?

Makagamit sila maingon nga ilang gigamit ang Balaang Asin ug Tubig diha sa ilang kaugalingon, panimalay, mga tawo nga nihangyo.

Mag-ampo sila alang sa panalipod ug kaayohan gikan sa Ginoo.

Apan sa laing bahin angayan nga masayud ang mga layko nga kining maong akto dili gyud makahulip sa hilog nga pagahimoon sa pari diha sa konteksto sa sakramento.

Diha nga pagahimoon ang deliverance sessions ug eksorsismo mahimo nga ang mga layko nga kauban sa eksorsista ang makadihog sa mga bungbong, pultahan, bintana ginamit ang exorcized oil. Samtang ang pari maoy mag-ampo sa mga pag-ampo sa eksorsismo.

Apan diha sa mga healing sessions liturgical man o dili ang mga layko ang pagadid-an sa paghilog ginamit ang bisan unsang lana paglikay nga kini hisaypan nga sakramento sa hilog sa masakiton. (Ecclesia de Mysterio, art, 9. 15 August 1997).

Apas sumpay

Ang mga layko nga mogamit sa mga sakramentales sama sa exorcise salt, water, oil ug uban pa ang mogamit niining mga sagradong mga butang uban ang pag-ampo nga supplication ug dili imperative kun ang prayer of command. Bugtong natahasang mga eksorsista lamang ang makahimo sa ingon.

Sama pananglit sa: “Sa Ngalan ni Jesus! Pahawa kamo mga dautang Espiritu Gikan ning dapita! Sugyot nga mahimong gamiton ang basahon ni Fr. Chad Riperger Deliverance Prayers for the Laity nga available sa St. Pauls ug uban pang mga Religious Bookstores.