Kinahanglan ba ang presensiya sa seller kun magpanotaryo?
Dear Atty. Divine.
Duna koy napalit nga yuta og aduna nay giandam nga Deed of Absolute Sale ang seller. Matud sa owner nga ini’g binayranay namo, iyang pirmahan ang Deed of Absolute Sale ug ako na daw bahala nga magpa-notaryo niini. Ang akong pangutana kon mamahimo ba nga akong panotaryuhan ang Deed of Absolute Sale bisan wala ang seller? Daghang salamat. — Tony
Dear Tony,
Ang notary public dili mamahimo nga monotaryo sa usa ka dokumento kun wa ang presensya sa nagpirma niini ug kinahanglan sab nga mopakita og competent ID or government issued ID ang mipirma sa dokumento, basi sa Notarial Rules.
Kini gitumong aron pagseguro nga ang tawo nga nagpirma sa dokumento boluntaryo gyud nga mipirma niini.
Busa ang maayo ninyong buhaton, adto kamo magbinayranay sa opisina sa abogado aron human sa inyong pagpirmahanay sa dokumento, panotaryuhan nimo dayon ang Deed of Absolute Sale. Thank you and God Bless! —Atty. Divine
* * *
Alang sa inyong pangutana, palihug lang sap ag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
