Pulis nagpaduol sa katawhan

Dili lang kutob sa police visibility ang gihimo karon sa kapolisan sa dakbayan sa Sugbo ug apil na gani sa mga dapit nga sakop sa Central Visayas area kon dili ang pagpakiglambigit sa katilingban diin sila na ang nagpdaulo sa mga tawo karon.

Usa sa programa nga gilusad ubos sa bag-ong pangulo sa Cebu City Police Office Col. Enrique Figueroa, ang pagbutang og 30 ka mga police outpost sa mga strategic areas sa dakbayan sa Sugbo.

Kompleto kini, adunay blinker nga daling makita sa mga tawo ug makapangayo dayon og tabang sa panahon sa panginahanglan, crime deterent usab kini kay mahadlok naman ang mga kriminal nga mohimo og sala kay makita naman nila ang outpost nga dunay nadestino nga duha ka police o body system 24/7.

Nasampolan sa ilang outpost ang riding in tandem nga snatcher sa Barangay Talamban nga nabingwit dayon sa mga pulis ilabi na kay duol ra nila ang mga kriminal ug nakaresponde dayon ang mga pulis.

Kalaboso ang duha ka kawatan ug narekober usab dayon ang nilabni nga kwentas nga nagkantidad og 120 Mil pesos.

Nagpakita lang kini nga daling masolbad ang mga krimen sa dapit kong mopaduol ang kapolisan ngadto sa mga tawo nga maoy gihimo karon sa CCPO ug PRO7.

Imbis maglingkod sa opisina magpaabot nga dunay modangop nila, sila nalang ang moadto sa katawhan aron ihatod ang serbisyo.

Maayo kaayo ang gihimo karon sa kapolisan sa dakbayan sa pagpangulo ni Col. Figueroa, wala man ko masinati ani niya kay kaduha pa nako siya na interview apan daghan sila og mga plano nga haum kaayo ug epektibo sa dakong syudad sa Sugbo.

Hilomon ug dili gani gustong magpa-interview sa media kay maikog siya ug maulaw seguro hinungdan nga medyo katahaan.

Pero kong tan-awon nimo ang iyang programa makaingon ka nga dili bastabasta sama sa mga police outpost nga alang sa uban gamay ra apan dako kaayo og impact sa peace and order kay mapakgang ug mapugngan man ang krimen.

Sa personal nga aspeto, bright ang lider sa CCPO o hands on siya kay bisan sa detalye sa mga station level nga issue lang unta apan makatubag siya punto for punto kong pangutan-on na.