Ang tinuod nga relihiyon matud ni Carl Jung

Matud pa niya: “True Religion is listening to the Lord, Discerning his voice, his presence, his will. It is taking care to attend to Him.”

Angayan natong hinumdoman nga ang relihiyon dili mahitungod sa tawhanong kalihokan kondili kalihokan kini sa Dios ug magpabilin nga iya sa Dios! Mosulod kasagaran sa atong hunahuna nga diha sa atong pagpakita sa atong dakong gugma sa Dios kinahanglang mohimo kita og mga butang o mga lakang alang sa iyang kahimayaan.

Apan sa laing bahin, angayan natong hinumdoman nga ang paghigugma sa Dios nagpasabot man usab og paggahin og igong panahon uban Kaniya diha sa atong inadlaw nga pagkinabuhi.

Dugang pa, ang pag-abli sa atong kaugalingon aron ang Dios molihok dinhi kanato. Kun kita natugotan nga molihok alang sa Dios ato pud untang tugotan ang Dios molihok alang kanato.

Adunay kausaban sa atong kaugalingon kon mosulod lamang kita sa proseso nga ginganlan og contemplation.

Diin atong Nakita nga dunay mas halawom pa nga kahulogan ang kinabuhi gawas sa mga butang nga atong makita ug mahuptan.

May mas makahuloganon pa kaysa pag sud-ong kanunay sa atong kaugalingon. Kini nagpasabot nga:

1. Diha sa pagsinati sa mga sakit ug balatian nga usahay atong tinuyoan kita makaamgo nga usa diay ka dakong gasa gikan sa Dios ang kahimsog sa panlawas.

2. Sa Sikolohikal nga Aspeto ang pagsinati sa mga kalibog, kabalisa ug kahangawa atong maalinggatan nga anaa sa Dios ang matuod nga kalinaw ug kalipay.

3. Diha sa intelektwal nga aspeto atong masinati nga ang mga talento ingon man kalam gikan sa Dios lamang. Kabus kita sa iyang atubangan.

4. Sa Espirituhanong kahimtang nagtudlo kanato nga ang kalisdanan sa pag-ampo ang hinungaw lamang sa atong kawalay kinaadman sa atong pag-ila sa atong kaugalingon.

Ang tinud-anay nga pagpaubos bunga lamang Dark Night of the Soul nga kasinatian. Kining maong kasinatian mao kadtong magdala kanato aron sa kabubut-on sa Dios kita motahan.