Wa bayri sa utang

Dear Atty. Divine,

Adunay nangutang nako og wa na gyud mobayad. Bisan pa kun kapila nako gipaninglan gibalewala lang ko. Naproblema ko karon kun unsaon nako siya sa pagpaningil. Unsa may maayo nako nga buhaton og asa man nako ipasaka ang kaso kun ang kantidad below P100,000.00? Daghang salamat.

Marivic

* * *

Dear Marivic,

Mamahimo kang magpahimo og demand letter ngadto sa abogado alang sa imong pagpaningil kaniya. Kun di gihapon siya mobayad, mamahimo ka nga mopasaka kaniya og reklamo ngadto sa barangay diin siya nagpuyo alang sa collection of sum of money. Ang barangay mopatawag na kaniya alang sa usa ka tigum aron pag-settle sa inyong problema. Kun di gihapon siya mobayad bisan kun imo na siyang gireklamo sa barangay, then mamahimo kang mopasaka kaniya og kaso sa Municipal Trial Court kon MTC alang sa collection of sum of money. Aduna nay form ang korte nga imong i fill-up ug mao kini ang imong i-file og kinahanglan sab nga imong i-attach ang proof sa iyang utang sa imong i-file nga kaso. Ang korte mopatawag kaniya alang sa usa ka hearing ug atol sa maong hearing dili na mo magkinahanglan pa og abogado. Kun maprobahan sa korte nga utangan siya then momando ang korte kaniya sa pagbayad sa maong utang. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.