Dear Atty. Divine,
Duna koy giabangan nga balay sud na sa duha ka tuig. Tungod sa kadugay na sa maong balay duna kini guba nga angayang i- repair sama sa atop nga magtulo na kun mouwan ug pultahan nga guba na ang lock ug ang lababo nga sige lang mobara.
Ang akong pangutana kun kinsa man ang dunay obligasyon nga mopa-repair niini, ako or ang tag-iya? Daghang salamat.
Jenny
* * *
Dear Jenny,
Basi sa Article 1654 sa atong Civil Code, ang Lessor o tag-iya sa imong giabangan maoy obligado nga mohimo sa pag-repair sa balay nga imong gipuy an.
Ang Lessor maoy dapat mo maintain sa property nga magpabilin kining in good condition. Kun pananglit dili siya mohimo sa pag-repair pwede ra sab kun mosugot ang Lessor nga ikaw ang mogasto sa repair apan imong i-deduct sa imong abangan ang nagasto niini kun mosugot ang lessor.
Lain nimong option kun dili gyud i-repair sa lessor unya nahasul na ang inyong pagpuyo, mamahimo nga imong i-suspend ang imong pagbayad sa rental hangtud nga iyang i-repair ang property. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.