Apas sumpay kalabot sa demonyo sa gubat ug kalaglagan

(Katapusang bahin)

Sa Atong Kahimtang Karon

1. Daghan ang nadala sa haylo nga tungod niini nahikalimot kita sa paggamit sa lohika ug tanlag. Ug kun ugaling gipahit kita  sa atong tanlag gumikan sa linugdangan sa atong pagpili imbis atong angkunon atong basulon ang uban gumikan sa atong garbo.

2. Ang mga hingtungdan nagbinasolay kay mao man kini ang talan-awon sa dihang silang Adan ug Eba hisakpan sa Dios nga nisupak sa iyang kasugoan. Ug gani ang babaye nibasol sa bitin nga maoy nilaang kaniya. Bisan ang buhing matuod mao nga buot silang sama sa Dios. Hakog sila sa gahom.

3.  Nagtuo ba kaha kita nga tumong ang kaayohan sa nasud sa kinatibuk-an? Ambot. Mahimong ang maayong tinguha pagaliminan og mga tinguhang kinaugalingon. Gamiton ang tawo gumikan sa paghigugma sa kwarta.

Anaa ang Panglingla

1. Ang nahitabo karon mahimong pamaagi lamang aron matabonan ang uban pang mga isyu sama nilang Alice Guo, Quiboloy ug uban pa.

2. Ang pinakasakit mao nga sa kaguliyang nga nahitabo karon mamahimong pamaagi tinuyo o dili tinuyo aron mamahimong bukas ang atong kaugalingon alang sa pagbanhig sa mga langyaw aron kita angkunon. (Posession). Hinumdomi gikalipay sa yawa ang panag-away aron siya makasulod. Dili paigo ang mga luha ug martsa martsa sa kadalanan ni madawat ang armadong pag-alsa kay ang mga panghitabo karon salamin lamang kun unsa ug kinsa kita sa sulod nato.

Mag-ampo kita

San Miguel Arkanghel panalipdi kami sa gubat, mahimo kang taming batok sa mga dautan ug sa mga lit-ag sa yawa gapuson unta siya sa Ginoo nangamuyo kami O Prinsipe sa Langitnong Hugpong itambong sa Impiyerno si Satanas ug ang tanang dautang espiritu nga naglibot libot sa yuta, nangita sa kapildihan sa mga kalag. Maghari unta si Cristo sa among Kasingkasing sa among kabanayan ug sa tanang dapit sa kalibutan, hangtud sa kahangturan. Amen.