Dear Atty. Divine,
Ang akong petition for Annulment of Marriage na grant na sa court last month.
Ang akong pangutana kun unsay sunod nako nga buhaton human migawas ang decision sa akong kaso? Daghang salamat.
Chesca
* * *
Dear Chesca,
Human migawas ang decision sa imong kaso, magpaabot ka pa sa Certificate of Finality nga i issue sa korte una nimo ma-process ang pagpa annotate niini ngadto sa imong marriage certificate.
Ang korte mopagawas lang kana og Certificate of Finality kun madawat na nila ang tanang proof of receipt sa decision sa tanang parties involved lakip na sa respondent ug sa Office of Solicitor General.
Kun way mo-file og Motion for Reconsideration human madawat sa tanang parties ang decision, mo-issue ang court og Certificate of Finality ug human niini mamahimo na nimong i-process ang annotation sa Civil Registrar diin marehistro ang inyong marriage ug sa PSA.
Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.