Dear Atty. Divine,
Ang among kompaniya gikatakdang manaktak og empleyado gumikan sa giingong alkanse sa ilang operasyon. Daghan mi nga gipahibawo na nga kutob na lang mi sa katapusan sa Agosto.
Adunay separation pay, 13th month pay ug uban pa nga pabawon ang gitanyag sa company apan ila mi nga papirmahon og waiver and quitclaim ini’g release sa maong bayad. Ang akong pangutana kon legal ba kining ilang pagpapirma kanamo og Waiver? Daghang salamat. — Rica
Dear Rica,
Kanang waiver and quitclaim mao gyud na ang papirmahan sa employer ngadto sa employee kon taktakon na kini sa kompaniya base sa authorized causes nga nalatid sa atong balaod, ug dayon bayran na ang empleyado sa iyang pila ka tuig nga pagserbisyo sa company.
Adunay mga desisyon sa Korte Suprema nga gikonsiderar nga valid ang waiver nga gipapirmahan sa employer ngadto sa employee, apan may ubang waiver sab nga gideklarar sa Supreme Court nga dili valid, ilabi na kon gipugos ang empleyado sa pagpirma niini bisan og dili reasonable ang gihatag nga bayad sa kawani. Ang Korte Suprema sa ilang desisyon sa Goodrich Manufacturing Corporation vs. Ativo nga ilang gidesisyonan niadtong 2010, mihatag kini og upat ka rekisitos nga makonsiderar nga valid ang waiver and quitclaim:
1.) Boluntaryo kining gipirmahan ug nasabtan sa empleyado ang unod niini.
2.) Wa’y nahitabong fraud or deceit sa pagpapirma niini.
3.) Reasonable ug credible ang consideration niini.
4.) Dili contrary to law, public order, policy og morals ang maong quitclaim. Busa kon nakauyon ang employee sa tanyag nga amount sa employer, then wa’y rason nga dili mopirma ang empleyado sa Waiver and Quitclaim kay valid kini as long as naa ang upat ka rekisitos. Thanks and God bless.- Atty. Divine