Nakasabot si Siegfred sa dakung problema nga giatubang ni Pamela. Gitutokan niya ang dalaga nga walay hunong sa pagpanglugmaw ang luha sa iyang mga mata.
Gibati og dili tiaw nga kalooy si Siegfred ngadto sa dalaga. “Ayaw kabalaka Pam, magpatabang ta ni Mayor Rama.†Mitutok si Pamela sa ulitawo. “Motabang diay na si Mayor Rama?†matud ni Pamela nga ingon sa hapit na mobakho.
“Maayong tawo ang mayor Pam, motabang siya sa mga nanginahanglan. Dunay CHAMP ang City Hall, ang proyekto sa mayor nga mohatag og panabang niadtong nanginahanglan kun sila masakit,†gipasabot ni Siegfred ang maanyag nga med-rep.
Gikuha ni Siegfred ang iyang selpon gikan sa bulsa sa iyang polo shirt. Gipindot-pindot niya kini dayon paglabay sa pipila ka gutlo, gibutang niya ang selpon ibabaw sa lamesa. “Giteksan nako si Mayor Rama kay mangayo ta’g tabang... total botante man ang imong Mama dinhi sa dakbayan,†ni Siegfred pa.
Giam-aman ni Siegfred si Pamela nga dili lang kaayo maguol. Sigurado si Siegfred nga motabang ang mayor pagsulbad sa problema sa dalaga kang kansang inahan anaa pa sa ospital. Wala madugay mitingog ang selpon ni Siegfred.
“Tan-awa, mi-reply na si Mayor Rama nako,†giingnan ni Siegfred si Pamela. “Paadtoon lang kuno ta sa iyang opisina ugma sa buntag Pam,†dugang sa ulitawo.
Gikalipay ni Pamela ang pasalig ni Siegfred nga tabangan gayud sila sa mayor. “Salamat kaayo sa imong pagtabang nako Fred ha,†ni Pamela pa. “Sagdi lang kay suwayan ‘sab nako og kontak si Konsehal Margot Osmeña, manggiloy-on ‘sab na si Ma’am Margot, I’m sure nga motabang na,†matud ni Siegfred.
Gisaysay ni Pamela nga wala siya mosuroy sa SM apan giadto niya ang higala niya nga sales manager sa usa ka tindahan apan gibalibaran siya. Nanguyab kang Pamela ang maong sales manager ug kay wala kini sugta sa dalaga, wala kini motabang sa panginahanglan ni Pamela.
“Ayaw kabalaka Pam, sigurado ko nga maiban-ibanan ang imong problema kay mipasalig na man si Mayor Rama nga makigkita siya nato ugma,†giingnan ni Siegfred ang dalaga. Nakahuna-huna si Siegfred nga ubanan si Pamela sa pagbalik niini sa ospital.
Giagda ni Siegfred nga mag-snack usa sila si Pamela kay nasayud siya nga tungod sa problema nga giatubang niini posible nga nakalimot na kini sa iyang kaon. “Salamat, husto ka g’yud Fred, wala na ko makahinultol sa akong pagkaon kay wala ko mahimutang sa akong problema.â€
Sa ospital, gikahimamat ni Siegfred ang inahan ni Pamela. “Tabangan ta ni Fred, Ma kay kaila man diay sila si mayor,†ni Pamela. -- Sumpayan