Nahilom na usab si Vanessa. Naghilom usab ang iyang Papa Victor. Apan sa tagsatagsa nila ka kaugalingon dihay ilang gihunahuna. May nagkadaiyang butang nga mitukbil sa ilang kaisipan nga hugot nilang gipamalandong.
“Maayo tingali nga ililong una nato sa imong inahan ang nahitabo kanimo, Anak,†mipadayag sa hunahuna si Mr. Santos, “aron dili siya makalitan. High blood ang imong mama ug may deperensiya pa ang iyang kasingkasing tingalig atakehon hinuon siya tungod sa sobrang kaguol.â€
“Hinay-hinayan lang nato siya sa pagpasabot,†misumpay sa pagpamulong si Mr. Santos pagkilab sa pipila ka daklit, “hangtod nga madawat na niya ang kamatuoran. Gawas pa, wala may mahimo ang iyang mga higala aron mabag-o ang atong pagkabutang niining hitaboa. Maayo nga ipaubos na lang nato ang atong garbo. Total, wala man sila’y labot sa atong kinabuhi. Atong gipuy-an ang atong kinabuhi ug si bisan kinsa wala’y katungod nga manghilabot kanato. Andam akong manalipod sa nahitabo sa atong pamilya, Anak. Busa, wala kay angay kabalak-an.â€
“Kun maoy imong gituohan nga maayo, ikaw ang mag-igo, Papa,†namulong si Vanessa human molabay ang pipila ka daklit. Ug nanghupaw siya. “Ang lain pa nakong gikabalak-an mao si Albert.
“I’m sure nga naghulat gyud siya sa atong pagpauli,†matud sa iyang Papa Victor. (Sumpayan pa)