Talisay gipasidunggan isip labing maayong LGU lukop nasud
CEBU, Philippines — Gipasidunggan ang Dakbayan sa Talisay isip pinakamaayong Local Government Unit (LGU) sa tibuok nasud.
Ang pasidungog nadawat atol sa gipahigayon nga Gawad Serbisyong Magpakalinga Awards.
Ang Talisay maoy napili nga labing maayo nga lokal nga kagamhanan sa pag-implementar sa serbisyo.
Si Mayor Gerald Anthony “Samsam” Gullas, Jr. ang nidawat sa pasidungog sa niaging adlaw. Matud ni Gullas nga ang ilang kalamposan dili lang sa gobiyerno sa siyudad apan mao kini pamalandong sa serbisyo sa matag trabahante.
Gipasabot ni Gullas mao ang anaa sa social workers, frontliners, health workers ug sa tanan nga nigahin og oras buntag ug gabii.
Si Gullas nagkanayon nga ang kalamposan nga nadawat alang kini sa tanan nga na alagaran sa kagamhanan sa Dakbayan sa Talisay.
Dugang ni Gullas nga magpadayon sila sa pagpalambo pa sa ilang serbisyong Aksyon Agad. (BANAT NEWS)
- Latest
