Mga sakop sa konseho sa Mandaue pasidunggan

CEBU, Philippines — Gikatakda karong Lunes Hunyo 23, 2025 ang recognition ug tribute sa 16th Sangguniang Panglungsod sa Siyudad sa Mandaue.

Si outgoing Vice Mayor Nerissa Soon-Ruiz maoy mangulo isip presiding officer sa konseho sa maong siyudad atol usab sa regular session nga ilang pagahimoon sa maong adlaw.

Ilang himoon ang pag-ila ug pasidungog sa mga sakop sa konseho nga hingpit na nga mobiya sa ilang pagserbisyo isip sakop sa konseho sa ilang natampo sa kalamboan sa dakbayan.

Nag-una niini si bise mayor Soon-Ruiz nga hulipan na unya ni outgoing mayor ug vice mayor-elect Glenn Bercede.

Samtang outgoing Councilor Malcolm Sanchez ang hingpit na usab kini nga mobiya isip sakop sa konseho human mapupos ang iyang ikatulung termino apan moasumer usab kini isip board member sa Lone Congressional District sa Siyudad sa Mandaude nunot usab sa pagdaug niini sa miaging Mayo 12, 2025 midterm election.

Dugang hatagan og pag-ila sa ilang serbisyo isip sakop sa konseho mao si outgoing Councilor Oscar de Castillo nga napakyas sa iyang pagpapili sa miaging piniliay alang unta sa iyang katapusang termino.

Laing hatagan og recognition and tribute nga sakop sa 16th SP sa maong siyudad mao si Konsehal Editha Cabahug nga namatay samtang nagserbisyo kini isip knsehal sa maong dakbayan.