First class municipalities sa probinsiya nadugangan

CEBU, Philippines — Gipadayag ni Provincial Assessor Michelle V. Languido nga maingon nga “datu” ang Probinsiya sa Sugbo.

Kini human mi top 1 ang probinsya sa Revenue Generation in the Assessment Operations sa upat ka sunod-sunod nga tuig.

Nasayran niabot na sa P431,960, 187.46 ang kinatibuk-ang Transfer Tax Revenue Performance sa probinsya sugod tuig 2021 hangtod sa buwan sa Abril tuig 2025, diin gipangulohan ni Languido ang Assessors Office.

Usa sa nahimong kabilin sa maong opisina mao ang pagtaas sa mga First Class Municipalities sa tibuok probinsya sa Sugbo, ang kaniadtong walo ka First Class nga munisipyo mitaas kini sa 25 kabuok gikan sa pagsugod og lingkod ni Languido.

Dugang niana, ikabilin usab niini ang pagkahiusa sa mga Municipal Assessors sa Sugbo kay kadaghanan motunga gyud sa mga panagtapok.

Bisan paman sa kakulangan sa tao sa opisina, mipokus sila sa revenue generation ug sa field work sama sa pag appraise og mga building kumpara sa mga office-based.

Matud pa ni Languido, dili question ang kakuwang sa tawo tungod kay silang tanan naglihok aron paghatag og serbisyo.

Dugang pa niya nga 47 ka posisyon ang gikinahanglan sa buhatan apan karon ang anaa mokabat lang sa14 kabuok.

Si Languido nanghinaot nga makapadasig kini sa umaabot nga administrasyon ug sila maka maintain sa kalampusan sa maong buhatan.  Clifford T. Bacon (BANAT NEWS)