Kampo ni Baricuatro andam na moduso sa ilang tubag
CEBU, Philippines — Gipaabot nga makaduso na og tubag ang mga abogado ni Governor-elect Pamela Baricuatro sa electoral protest nga giduso ni outgoing Governor Gwendolyn Garcia.
Kagahapon, nadawat ni Baricuatro ang summons gikan sa comelec sa balay niini sa Pinamungajan.
Si Baricuatro gihatagan ra og lima ka adlaw aron motubag sa maong protesta, pasabot sugod karong adlawa hangtud Hunyo 16 kinahanglan makasumiter og verified answer ang kampo ni Baricuatro.
Matud ni Atty. Edmund Lao ang pangulo sa transition team ni Baricuatro nga andam na ang mga abogado sa governor-elect nga moduso sa tubag aron madismiss ang gihulagway niini nga walay basehan nga kaso.
Nag-umol usab og kaugalingong legal team si Baricuatro aron maoy molihok pagbasura sa matod pa tataw ug unwarranted o unfounded case. Kini aron matutokan na sa transition team ang pag siguro nga makapadayon na sa preparasyon paglingkod ni Baricuatro karong Hunyo 30.
Kahinumduman si Garcia miduso sa maong protesta didto sa Comelec niadtong Mayo 23 pagkwestyon sa resulta sa eleksyon nga iyang gihulagway nga wala motukma sa honest will sa katawhan.Clifford Bacon (BANAT NEWS)
- Latest
