CCLEX panindoton pinaagi sa pagtanum og mga buwak

CEBU, Philippines — Plano karon sa lokal nga kagamhanan sa lungsod sa Cordova ug sa Cebu Cordova Link Corporation (CCLEC) nga paninduton pa ang iconic nga Cebu Cordova Link Expressway (CCLEX) pinaagi sa pagpananom og mga bulak.

Giduso karon sa mga opisyal sa CCLEC ang Bougainvillea Planting sa 2.9 kilometro nga Pilipog-Gabi Coastal Road, kon diin pula, puti ug pink nga bougainvillea ang itanom aron makahatag og mabulukon nga talan-awon sa mga moagi sa CCLEX.

“We welcome this development. Basta para sa kaayohan sa Cordova ug pagdungag sa atraksyon sa lungsod hilabina na sa kadalanan padulong sa CCLEX atua gayud na nga suportahan” matod ni Cordova Mayor Cesar “Didoy” Suan atol sa gihimong tigom uban sa mga opisyal niadtong Mayo 20.

Nitambong usab sa maong tigom mao ang Municipal Legal Consultant nga si Atty. Marven Pañares ug mga kadagkuan sa CCLEC. (BANAT NEWS)