Aksyon Agad Team anglimpyo sa kanal paglikay sa baha

CEBU, Philippines — Padayon ang pagpanglimpyo sa mga kanal sa Dakbayan sa Talisay aron dili kini makasinati og pagbaha atol sa kalit-kalit nga pag uwan.

Matud pa ni Gary Togonon, pangu sa Aksyon Agad Team nga pipila ka mga lugar ilang gisiguro nga kalimpyohan ilabi na sa mga basura tungod kay mao kanunay ang bahaan.

Dugang ni Togonon nga ang makatampo gyud sa pag awas sa tubig sa kanal mao ang mga nibara nga mga basura.

Una niini, ang Department of Public Works and Highways (DPWH) ang nagsugod na sa pagtrabaho sa drainage project diha sa Barangay Bulacao.

Nasayran mao usab kini ang usa sa mga lugar nga bahaonon diha sa Talisay.

Samtang gipang pul-ungan ug giputlan sab nila ni Togonon ang mga kahoy nga duol sa kabalayan ug establisamento. (BANAT NEWS)