Grupo ni mayor Suan sa Cordova pulos midaug sa eleksyon

CEBU, Philippines — Nangharos sa naangkon nga kadaugan ang Asenso Cordovanhon nga gipangulohan ni Incumbent Mayor Cesar "Didoy" Suan sa miaging Mayo 12 nga eleksyon.

Si Mayor Suan ang nakakuha og 30,728 votes batok sa iyang kaatbang nga si kanhi mayor Mary Therese Sitoy-Cho sa Kayab Cordovanhon nga dunay botos nga 12,961.

Lakip sa midaug ang katandem ni mayor Suan nga si incumbent vice mayor Boyet Tago nga nagpasubli sa iyang ikaduhang termino.

Midaug usab ang tanan niini nga kandidato sa pagkakonsehal ug maoy nag-una si Jerome Lepiten, Patrick Lagon, Nats Sitoy, Remar Baguio, Jet Wahing, Liera Casquejo, Chito Bentazal, ug Lemuel Pogoy. Sa nasayran ang lungsod sa Cordova gidumala kaniadto sa pamilyang Sitoy nga naglakip ni kanhi mayor Celedonio Sitoy nga bise mayor karon sa Siyudad sa Lapu-Lapu, Mayor Arleigh Sitoy hangtod na ni anhing mayor Adelino Sitoy ug kanhi Mayor Teche Sitoy Cho babayeng anak ni Mayor Sitoy.

Sa iyang pagpasubli sa ikatulong termino niadtong 2022 nga piniliay maoy miatbang kaniya si mayor Suan sanglit natapos na man ang iyang tulo ka termino isip konsehal ug iyang naangkon ang kadaugan isip mayor sa lungsod. (BANAT NEWS)