18 anyos nga lalake nalumos samtang naligo sa dagat

CEBU, Philippines — Usa ka 18 anyos nga lalaki ang nakalas human kini nalumos samtang nag night swimming sa kadagatan sa Barangay Saavedra, Moalboal Cebu, alas 2:30 sa kadlawon adlaw nga Miyerkules.

Ang biktima naila nga si Reneboy, ulitawo, residente sa Nasipit Barili Cebu.

Ang personnel sa Badian District Hospital mao ang nitawag sa kapolisan aron sa pagpahibalo nga dunay nalumos sa kadagatan sa Moalboal.

Dali kining gitubag sa kapolisan nga gipangulohan ni PSMS Alexander Lerio aron susihon ang maong taho, apan patay na ang biktima.

Base sa initial nga imbestigasyon ang biktima kuyog sa iyang mga kauban nga nag-inom ug sa dihang nangahubog didto nangaligo sa dagat.

Atol sa ilang pagpangaligo, nabatyagan sa iyang kauban nga nawala ang biktima hinungdan nga dali kini nilang gipangita ug pagdala nila sa ospital gideklarar kini nga dead on arrival.

Ang kapolisan padayon pa nihimo sa ilang imbestigasyon may kalabutan sa maong insidente. (BANAT NEWS)