Rider nakuhaag usa ka kilong shabuug

CEBU, Philippines — Nagtingkagol karon sa prisuhan ang usa ka high value individual nga giingong rider sa usa ka rider sa ride-hailing app human nadakpan sa buy-bust operation sa City Intelligence Unit/City Drug Enforcement Unit sa Mandaue City Police Office(MCPO), Philippine Drug Enforcement Agenc(PDEA)-7 ug PNP Drug Enforcement Group Special Operations Unit-7 sa Sitio Sun-ok, Purok Tambis, Barangay Umapad, dakbayan sa Mandaue, Sabado sa gabie, Mayo 3, 2025.  Ang nadakpan mao si Jeffrey Saligo alyas Jepoy, 33 anyos, minyo, residente sa Barangay Paknaan,  dakbayan sa Mandaue ug usa ka high value individual.

Nasakmit sa mga operatiba kang alyas Jepoy ang usa ka kilo sa gituohang shabu nga nagkantidad og P6.8 million.  Nasayran nga usa ka semana gipaubos sa monitoring ang suspetsado human makadawat og impormasyon ang kapulisan sa illegal nga kalihukan sa suspetsado.

Matud pa maka-dispose ang suspect og 300 ngadto sa 500 grams nga shabu kada semana.

Ang area of disposal niini kay Cebu City, Mandaue City, Lapu-Lapu City ingon man Cebu Province.  Padayon nga gisubay sa kapulisan kun kinsa ang tig-supply drugas sa suspetsado.

Samtang pasakaan kini og kasong kalapasan sa Section 5 ug 11, Article II sa Republic Act 9165.

Laing drug suspect sab ang nadakpan human nakuhaan og 105 gramong gituohang shabu nga nagkantidad og Php 714,000.00) atol sa anti-drug operation sa PNP DEG, SOU 7ug PDEA 7 sa Brgy. Linao, Talisay City, Sabado sa gabii. Ang nadakpan mao si Ralph Cabarrubias, alyas Ziana, 21, residente sa Katipunan St., Brgy. Labangon, Cebu City. — /IBM (BANAT NEWS)