Local absentee voting gisugdan na
CEBU, Philippines — Gisugdan na kagahapon Abril 28, 2025 ang Local Absentee Voting (LAV), gani sa kaulohan gipangulohan kini ni PNP Chief General Rommel Francisco Marbil uban sa pipila ka sakop sa kapolisan sa Camp Crame.
Sa gipatuman nga local absentee voting gitugotan nga makabotar og 12 ka mga senador ug usa ka partylist organization gamit ang Automated Counting Machines kon ACMs.
Matud pa ni Atty. Francisco Pobe Jr ang Regional Director sa COMELEC-7 nga ang LAV himoon gikan sa Abril 28 hangtud sa Abril 30, 2025.
Dugang pa ni Pobe, ang mga mopahimulos sa LAV adto sila mobotar sa ilang mga opisina kung asa sila ni-apply.
Ang mahimong makapahimos sa LAV mao ang mga uniformed personnel, mga sakop sa media, mga magtutudlo, ug ubang mo-serbisyo sa adlaw sa eleksyon, sumala pa sa opisyal sa COMELEC. (BANAT NEWS)
- Latest
