91 ka proyekto sa siyudad nahatagan og COMELEC exemption
CEBU, Philippines — Moabot ngadto sa 91 ka mga infrastructure projects sa Dakbayan sa Sugbo ang nahatagan og exemption sa Commission on Elections (COMELEC) human nga nakakuha og Certificate of Exemption ang siyudad niadtong Abril 21, 2025.
Ang maong exemption ubos kini sa Section 261 sa Omnibus Election Code sa COMELEC Resolution No. 110781.
Una nga niduso og petition for exemption si Cebu City Mayor Raymond Alvin Garcia niadtong Nobiyembre 2024.
Ang mga proyekto gilangkuban kini sa pagtukod og building nga adunay perimeter fence, pagtukod og wastewater treatment facility, pag-insolar og water tank, pagtukod og water impounding system, rehabilitation ug renovation ug pagtukod sa mga multi-purpose building, classrooms ug sports facility, pagtukod og bridge ug footbridge.
Lakip na usab ang road concreting nga adunay drainage, pagtukod og Portland Cement Pavement, pagtukod ug rehabilitation sa evacuation center, pagtukod og perimeter fence, drainage system, pagbutang og street lights, pagtukod og classroom, ug ang restoration sa Fort San Pedro. Dili lang ang infrastructure projects mao ang nahatagan og exemption sa COMELEC apan lakip nasab ang social services.
Malaumon ang mayor nga unta ang mosunod nga hatagan og exemption mao ang Charter Day bonus alang sa mga empleyado sa City Hall. (BANAT NEWS)
- Latest
