Mga polis sa Talisay pasidunggan
CEBU, Philippines — Girekomendar sa hepe sa kapolisan sa Siyudad sa Talisay nga mapasidunggan ang iyang mga sakop nga paspas nga nakadakop sa manag-uyab nga notadong mangingilad.
Si Police Lt. Col. Maila Maramag, hepe sa kapolisan sa Talisay kusganon nga misuporta sa paghatag og pasidungog sa iyang mga sakop.
Sa nasayran niadtong Biyernes sa hapon ang biktima nga 73 anyos nisumbong sa mga optoridad human mabiktima sa mga mangingilad diin nakuha ang iyang kwarta ug alahas sa lima ka mangingilad.
Nasikop ang manag-uyab nga mga suspek didto sa Barangay Lagtang sa pagkahapon nianang adlawa.
Tulo ka kauban sa mga suspek ang nakasibat apan nailhan kini sa kapolisan.
Si Maramag nitataw nga ang grupo sa mangingilad maoy responsable sa budol-budol didto sa Moalboal, Dalaguete ug sa Siyudad sa Toledo.
Nahibaw-an nga gilangkuban og 15 ka tawo ang ilang grupo nga ang operasyon sa ilegal nga kalihukan nga moabot sa laing laing lugar sa tibuok nasud. (BANAT NEWS)
- Latest
