Polis patay human nabangga sa kahoy

CEBU, Philippines — Patay ang usa ka polis human nabangga ang gimanehong motorsiklo sa kahoy sa pagpauli niini gikan sa operasyon diha sa Immaculada School, Gorordo Avenue, Barangay Kamputhaw, Dakbayan sa Sugbo kagahapon sa kadlawon.

Ang biktima mao si Police Corporal Rid-Rid Ordiñeza Castañeda, 35-anyos, adunay kapuyo, taga Upper Pakigne Spring Village, Lungsod sa Minglanilla nagmaneho sa Yamaha Mio Aerox color matte blue/orange.

Si Castañeda nasulod sa Philippine National Police niadtong 2017, Batch Ephesians ug nadestino sa Sawang Calero Police Station sa Cebu City Police Office.

Base sa imbestigasyon sa Traffic Enforcement Unit (TEU) Cebu City Police Office nga sil Castañeda nagbiyahe diha sa Gorordo Avenue duol sa Immaculada nga tunghaan paingon sa Department of Labor and Employment (DOLE) dihang aksidente kining nabangga sa kahoy kilid sa dalan.

Nasayran sa kapolisan nga ang biktima padulong na unta nga mouli human sa gipahigayong Simultaneous Anti-Criminality Law Enforcement Operation (SACLEO).

Gikataho nga ni-swerve ang motorsiklo sa biktima gumikan sa kadangog sa dalan tungod sa pagbunok sa kusog nga uwan ug nilahos kini ngadto sa kahoy din ang biktima nalabay kini diha sa karsada ug ang helmet niini natangtang tungod sa impact sa bangga.

Ang biktima nakaangkon kini og grabeng kadaot sa lawas.

Ang ambulansiya sa Barangay Kamputhaw daling niabot diha sa lugar nga nahitaboan ug gitabang ang biktima ug gidala diha sa Cebu City Medical Center apan gideklara kining pata na nga naabot sa maong tambalanan. (BANAT NEWS)