Abandonadong bus gihimong drug den

CEBU, Philippines — Dili mominos sa P8.1 milyones nga balor sa ginadili nga drugas ang nasakmit sa mga sakop sa CIU/CDEU sa Mandaue City Police Office sa ilang buy-bust operation nga gipahigayon sa may Acolina Street, Brgy. Ibabao-Estancia, sa maong dakbayan, alas dose sa kadlawon, adlaw nga Biyernes Abril 25, 2025.

Ang nasikop usa ka 41 anyos nga lalaking residente sa Barangay Bulacao ning Dakbayan sa Sugbo.

Ang maong operation ubos kini sa command of Police Colonel  Cirilo Bulseco Acosta JR., City Director of MCPO uban sa pakig-alayon sa PDEA7.

Nasakmit gikan sa dinakpan ang mga pinutos sa ginadili nga drugas nga motimbang og 1.2kilograms sa gituohang shabu nga mobalor og P8,160,000  base sa estimated drug price value ug buy-bust money.

Ang dinakpan giandaman na karon sa pagpasang-at ug tukma nga kaso nga kalapasan sa Sec. 5 and 11, Art. II of R.A. 9165.

Ang maong nadakpan sumala sa kadagkuan sa kapulisan nagsugod kini sa pagpamaligya og drugas niadtong nakalabay nga Septiyembre sa nilabay nga tuig ug maka dispose kini matag semana 250 ngadto sa 350 gramos sa Cebu City, Mandaue City ug Lungsod sa Liloan.

Ang maong dinakpan nakombikto na kaniadto tungod sa paghupot og nubain ug napriso sa New Bilibid Prison ug niadto lang Pebrero sa miaging tuig kini nakagawas human nakaserbisyo sa iyang sentensya.

Samtang sa Dakbayan sa Sugbo, upat ang nadakpan sa abandonadong bus nga gihimong drug den diha sa C. Padilla Street, Barangay Duljo, alas dose dos sa udto adlaw sa gipahigayon nga buy-bust operation sa mga tinugyanan sa PDEA 7 Regional Special Enforcement Team, together with PNP Drug Enforcement Group/Special Operations Unit 7, Cebu City Police Office Station 11, ug Cebu City Police Office - City Drug Enforcement Unit.

Si PDEA 7 acting regional director Dir. II Alex M. Tablate, niila sa subject sa maong operation ug tigmintinar sa drug den sa usa ka 42-anyos nga taxi driver ug residente sa Barangay Inayawan ug ang mga parokyano niini nga usa ka 37-anyos, duha ka bus conductor nga taga Santander ug Tabuelan Cebu.

Nasakmit sa maong operation mao ang 12 ka putos sa gituohang shabu nga motimbang og 10 gramos nga mobalor ngadto sa P68,000  base sa estimated market value, buy-bust money ug kagamitan sa pagsuyop.

Nadakpan sab sa operasyon sa PDEA 7 Regional Special Enforcement Team, ug Cebu City Police Office Station 1 sa drug den ang upat ka mga lalaki atol sa buy-bust operation sa Sitio Itom-Yuta, Barangay Lorega, Cebu City kagahapon sa hapon.

Ang nadakpan mao ang drug den maintainer nga si alyas Armando, 50,  ug tulo niya ka parokyano nga silang alias Roberto, 62, laborer; alias Antonio, 49, utility worker; ug alias Jason, 49, pulos taga Barangay Lorega.

Dose ka paketeng gidudahang shabu nga mokantidad og P108,800, drug paraphernalia ug buy-bust money ang nasakmit

Giandam na usab ang pagpasang-at ug tukma nga kaso nga kalapasan sa 5, 6, 7, 11 and 12, Article II of RA 9165. IBM BANAT NEWS