Mga armas nasakmit sa kapolisan gikan sa mamuhatay
CEBU, Philippines — Giimplementar sa CIDG Cebu Provincial Field Unit, CIDG RSOT ug RIU-7 Cebu PIT pinaagi sa pakig-alayon sa Danao City Police Office Cebu Police Provincial Office ang search warrant batok kang alyas “Alejandro”.
Si Alejandro, 46-anyos, minyo, nagpuyo sa Sitio Lantawan, Barangay Cahumayan, Dakbayan sa Danao.
Gikataho nga ang suspetsado nalambigit sa manufacturing ug pagpamaligya og illegal firearms nga walay pagtugot o lisensiya gikan sa hingtungdang ahensiya sa gobiyerno.
Si Judge Ma. Josefa Pinza Ramos, executive judge sa Branch 90, Danao City ang nag-isyu sa search warrant penetsahan niadtong Abril 24, 2025 sa kapalasan Akta Republika 10591 kun “An Act Providing for a Comprehensive Law on Firearms and Ammunition and Providing Penalties for Violations Thereof.
Nasakmit sa kapolisan ang usa ka kalibre .38 nga revolver, duha ka buhing bala sa maong kalibre sa armas, unom ka buhing bala sa kalibre .357 revolver, usa ka barrel sa kalibre .45 pistola, usa ka slide sa kalibre .45 pistol, tulo ka steel magazine sa kalibre .45 ug uban pa.
Gipasakaan na og tukmang kaso ang suspetsado sa nahimo niining kalapasan. BDB BANAT NEWS
- Latest
